【夠滑，就唔使驚女友】
喺女朋友面前，讚其他女人係死罪。
老老實實，話晒同豆姐拍拖十幾年，跟官唔知官姓乜咩！
個個女仔，都鍾意男友當佢好似玫瑰花咁去呵護啦。
但我有時真係唔明白佢點解咁神經質…
話說有次行過街市，經過生果店，我講咗句：「嘩啲橙又幾靚！」
女朋友就即刻大發脾氣：「你傻咗啊！你睇吓呢粒「頂」咁大，仲凹入去嘅，一睇就知係女仔嚟！你夠膽讚第２個女仔？！」
我：「雖然個橙靚，但點唔夠妳咁甜同多汁～衰鬼」
我只係答左呢句，個生果檔老闆嚇到呆左，連手上面個橙都掉埋…
從此以後，我去揀生果、買菜、買雞、買魚…
唔係揀邊個靚ｄ新鮮ｄ，而係揀緊男定女，萬一佢以為我食女就大獲了。
又有一次，我喺fb貼咗同豆姐嘅結婚相出嚟，有讀者話「豆姐包包面好可愛啊！」
見到呢個留言，我梗係立即衝出黎護主啦！
我話：「講咩啊你！佢塊面係3D咋！」
豆姐：「3D...係咩意思？」
「夠立體感嘛，不過喺我心目中，妳唔止3D，仲係4D添！」
「點解？」
「識震…」
結果，豆姐真係嬲到震，我又被痛毆一頓…
前幾日…
我同班朋友去酒吧飲嘢，女朋友打電話嚟，我報告緊「身處位置」同「離開時間」嘅時候…
女朋友聽到我其中一個朋友講：「嘩～真係好Pure好滑！」
「咩pure咩滑？」女朋友。
我：「傻豬黎，去酒吧梗係講緊啤酒啦！有咩可能去睇其他女仔啊。我接受唔到呢啲行為，就咁諗起我…我就…成個人發冷，好想嘔…」
好彩，我哋咁啱叫到成枱都係醇滑嘉士伯，女朋友先信我只係講緊啤酒，而唔係女仔…
多謝你！醇滑嘉士伯！你救咗我一命！
#可能係世界上最滑嘅啤酒 #醇滑嘉士伯 #新登場 #把口咁滑
Search